Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

«Вуюись. Радуга» ӵектос Глазкарын ужаны кутскиз

Зелёный мир 13-тӥ куарусёнэ Глазкарысь «Зелёный мир» лыдӟиськонниын «Вуюись. Радуга» ӵектос быдэсъяськем улсын удмуртлыклы сӥзем выль кружок ужаны кутскиз. Глазкарын усьтӥськиз нылпиос понна удмурт культуралы сӥзем кружок.

Ужрадлэн валтӥсь ужпумез – покчиосты удмурт калыклэн кылэныз, лулчеберетэныз, сям-йылолъёсыныз тодматон. Дышетскон ар ӵоже ортчозы вуюисьлэн буёлъёсызлы сӥзем 7 пумиськонъёс.

«Пуксьы, буква, интыяд!» нимо пумиськонын 25 номеро нылпи садысь покчиос тодматскизы удмурт алфавитэн но азбукаен. Глазкарын улӥсь пиналъёс тодӥзы, удмурт алфавитын 38 буква шуыса. Пиналъёс тыршизы дышетыны но шара вераны куд-ог кылъёсты.

Ужрад йылпумъяськиз «Славится Удмуртия мастерами!» нимо адӟытонэ вуылонэн. Отын кибашлыослэн ужъёсынызы тодматскон ортчиз – горд сюйлэсь шуланъёс, пичи сандыкъёс, пужыятӥськонъёс. Лыдӟиськонниын ужасьёс адӟытонэ поттэм котькуд уж сярысь рос-прос веразы - киужлэн кылдэмез, кулэлыкез но сое быдэстон амалъёс сярысь.