Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

Нылпи кырӟанъя "Камали" студия туэ сӥзьыл 7-тӥ сезонзэ усьтэ

A7hY548PS20

Нылпи кырӟанъя "Камали" студия туэ сӥзьыл 7-тӥ сезонзэ усьтэ.

Пиналъёс арлы быдэ репертуарзэс вошто, выль кырзанъёс дышето. Кылем сезон студия понна туж пайдаё вал: Быдӟым Вормон нуналлы сӥзем кырӟанлы видеоклип дасязы, Ижкарын ортчем "Стань первым" гала-концертэз сиё-дано усьтыны оскизы, трос выль кырӟанъёс кылдытизы, "Open Air Эктоника 2018" фестивале но Элькун Гербер шулдыръяськонэ пыриськизы.

Камалиос туэ но гурезьёсты берыкъяны чаклало. Та вакыт Выль ар концертлы дасяськонъёс кутскизы ни. Бӧрысь тулыс бадӟым концерт луоз. Со вискын нош котьку сямен гастрольёс, бадӟым ужрадъёсы пыриськыны чаклало. "Камали" студилэн кивалтӥсезлэн Анатолий Эркишевлэн пусъемезъя, туэ пинал артистъёс кеузьгуръя вожвылъяськонъёсы бадӟым саклык висъялозы.

"Камалиысь" пинал артистъёс Лиза Бикузина, Егоров Никита, Соловьёв Алёша, Келарева Полина, Баранова Аня мыло-кыдо пырисько "Билингвалэн" но "Нуныкайлэн" ужаз.