БилингваБилингвизмъя удмурт центр

2016-тӥ арын покчи классъёслы удмурт кылын 13 учебникъёс эскеронъёсты но лицензированиез ортчизы. 26-тӥ толсуре со сярысь вераз элькунлэн тӧроез Александр Соловьёв.

«Йӧскалык школаослэсь учебникъёсын инъетсэс умоятонын вамыш луиз удмурт кылын учебникъёслы эскеронъёс ортчытыны коньдон висъян. Сое умоен ортчизы 1–4 классъёслы 13 учебникъёс. Та уж азьланьтэмын луоз», — пусйиз улосвыл кивалтӥсь.

Эскеронъёс кулэ вал учебникъёс федерал инлык мед басьтозы шуыса, соку соосъя дышетыны луэ.

Куартолэзе веразы вал, 2017-тӥ арысен удмурт кылын учебникъёсты 5–9 классъёслы поттозы шуыса.

Нялтас вераса, удмурт кылъя электрон учебникъёсты Россиын устоосыз пӧлы пыртӥзы.

Ивортодэт кутэмын: Ивортодэтъя "Удмуртия" агентство