Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

Удмурт IT ӧнерчиос нылпиослы удмурт кылэз дышетон понна выль мультимедийной шудон кылдытӥзы

uuF2vQnEKqY Удмурт IT ӧнерчиос нылпиослы удмурт кылэз дышетон понна выль мультимедийной шудон кылдытӥзы

«Чингыли» ӵектос бордын тыршизы удмурт егитъёслэн «Шунды» огазеяськонзылэн ёзчиосыз Удмурт Элькунысь дышетонъя но тодосъя министерствоен валче, «Мынам Удмуртие» телерадиокомпания юрттэм улсын. Ӵектос 3 пӧртэм темаослы люкемын:

  1. «Шудон»

  2. Кылбуръёс, выжыкылъёс но мадиськонъёс

  3. Удмурт-ӟуч кыллюкам (ватсэт)

Шудон туж капчи амалэн быдэстэмын. Быръем висъетаз пырон вылысь кнопкаез гинэ нюртыны кулэ.

«ШУДОН» - ӴЕКТОСЛЭН НЫРЫСЕТӤ ЛЮКЕТЭЗ

Шудон 10 блокъёслэсь кылдытэмын.

Нырысь быръёно кулэ луись темаез.

Котькуд темалы эшшо 3 ватсэт чакламын

  • «Видео» - ӵектэм темая видеоадӟытон. Пиналъёсын ӵош выль темаез эскерозы Ондӥ нимо пияш но Бабочка чеберай. Учкон понна – нюртоно.

  • «Кылбугор» - видеоадӟытонлэн темаезъя кылъёс но суредъёс куараен возьматэмын. Учке суредъёсты, кылзӥське но пеляды понэ ӟуч но удмурт кылъёслэсь чузъяськемзэс.

  • «Сыналом йырвизьёсмес» - логикаез азинтонлы но лексикаез тодэ ваёнлы сӥзем ужъёс. Котькуд ужлэн аслаз лыдпусэз. Быръе котькуд кнопкаез, кылзӥське заданизэ но юнматэ ортчем урокез. Кылдӥзы ке юанъёсты – котьку Чингылилы быгатӥськоды вазиськыны. Со тодэ вайытоз заданилэсь куронъёссэ ӟуч но удмурт кылъёсын.

КЫКЕТӤ ЛЮКЕТ – УДМУРТ ВЫЖЫКЫЛЪЁС, КЫЛБУРЪЁС НО МАДИСЬКОНЪЁС

(Произведениослэн авторъёссы – егит кылбурчиос но гожъяськисьёс)

«Мадиськонъёс» - шудонъёсын люкет

Дэмлаське кылзыны выжыкыл но юанлы валэктон сётыны. Тодӥды? Асьтэдыз эскерыны юрттоз Чингыли. Со понна зӥбоно юан пусэн суредэ. Юанэз выльысен кылзон понна Чингыли вылэ нюртоно.

«Выжыкылъёс»

«Кылбуръёс»

Нюртэ стрелка вылэ но быръе выжыкыл/кылбур, кудзэ кылзэмды потэ.

Шумпотыса кылзиське!

«КЫЛЛЮКАМ» - ӴЕКТОСЛЭН КУИНЕТӤ ЛЮКЕТЭЗ (ватсэт)

Суредъёсын но шара лыдӟем кылъёсын кыллюкам интыяськемын валтӥсь менюлэн вылӥ бур сэрегаз. Нюртэ суред вылэ но кылзэ, кызьы чузъяське кыл ӟуч но удмурт кылъёсын.

Ӵектос бордын ужазы: Анастасия Тутаева, Виталий Пронин, Пётр Пушкин, Илья Дерендяев, Ольга Тронина, Андрей Соловьёв, Екатерина Соловьёва, Анастасия Шубина, Вадим Дмитриев, Николай Смирнов, Анна Машагатова, Наталья Буранова, Алексей Котков, Юрий Шкляев.

Кылбуръёслэн, выжыкылъёслэн но мадиськонъёслэн авторъёссы: Лариса Широбокова-Монако, Валентина Васильева, Анна Калашникова, Наталья Варламова,

Алексей Котков, Алёна Паздерина, Анна Образцова, Ирина Пантелеева, Марина Пахомова, Мария Федотова, Татьяна Баталева но мукет.

Мультимединой ӵектослэн ужаз пыртэмын «Зэмос удмурт веме» акци улсын кылдытэм мультфильмъёс, «Монами» дизайн-студилэн суредъёсыз, Екатерина Мензариповалэн но Pixabay.com сайтысь Creative Commons лицензи улсын вӧлмытӥськись мукет суредасьёслэн ужъёссы.