Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

Башкортостанын "Усточикар" лагерь ужаны кутскиз

Устичикар 2018 2-тӥ гудырикошконэ сӥё-дано усьтӥськиз удмурт нылпиос понна «Усточикар» лагерь смена.

16-тӥез смена Башкортостан, Татарстан но Удмурт элькунъёсысь сю пала быгатӥсь таланто нылпиосты огазеяз. Лагерь усьтӥськон нуналэ ик пиналъёс пӧртэм ӧръёсъя дышетскыны ӧдъязы: эстрада, фольклор, театр, удмурт дӥсья дизайн, журналистика, кызьпу туен ужан. Нылпиосын ужало Башкортостан, Удмурт Элькунъёсысь но Пермь улосвылысь ӧнерчиос но кибашлыос.

Ужрадэ пыриськизы «Республиканский национально-культурный центр удмуртов Башкортостана» огазеяськонлэн кивалтӥсез С.Г. Гарифуллин, ёрос кенешлэн секретарез Р.Г. Рахимов, Татышлы ёросысь нылпиослэн но егитъёслэн муниципал клубзылэн директорез Э.Д. Валиева, Башкортостанысь Эшъяськон юртысь ӧнерчи К.В. Милиятова. Вань вуэм куноос ӟечкылазы пиналъёсты «Усточикар» усьтӥськемен но сӥзизы пайдалыко дышетскыны но шутэтскыны: «Пумиськон нылпиослы выль вормонъёс, тодон-валан но выль эшъёс мед ваёз».