БилингваБилингвизмъя удмурт центр

27-тӥ тулыспалэ 2016-тӥ арын Кузебай Герд нимо удмурт кун йӧскалык гимназиын Кыккылолыкъя кыкетӥ семинар ортчиз. Ужрадэ пыриськиз куамынлэсь ятыр адями: удмурт анай-атайёс но нылпиос, кыккылолыкен тунсыкъяськись нылпи садысь визьнодасьёс но дышетӥсьёс.

Семинар кык но ӝыны час ӵоже кыстӥськиз. Та дыр куспын анай-атайёсын ужазы кыккылолыкъя ӧнерчиос, психолог но логопед. Анай-атайёслэн луонлыксы вал ӧнерчиосын нимаз вераськыны но визь-кенеш басьтыны. Ужрад йылпумъяськиз удмурт шудонъёсын. Покчиос семинарез радъясьёслэсь ческыт кузьымъёс басьтӥзы.

Куинетӥ семинарез 26 южтолэзе ортчытыны чакламын. Кутскон дырыз 11 часэ. Семинар, азьло кадь ик, Кузебай Герд нимо удмурт кун йӧскалык гимназиын ортчоз.